www.kazatk-atk.kz
ҚазККА АКК - бұл көлік
және коммуникациялық бағыттарда
кәсіби дайындауға арнайы
мамандандырылған колледж
ретінде теміржол, су мен
құбыр көліктері және
коммуникация
мамандарын
даярлайды
ҚАЗАҚША     РУССКИЙ   Бүгiн 21 қыркүйек 2017 жыл

Танысу үшін ұсынамыз


Қазақ көлік және коммуникациялар академиясы (ҚазККА)
www.kazatk.kz
Бастапқы бет » Оқу-әдістемелік жұмыстар » «ҚҰРЫЛЫС ЖӘНЕ ТАСЫМАЛДАУДЫ ҰЙЫМДАСТЫРУ» БӨЛІМШЕСІ

«ҚҰРЫЛЫС ЖӘНЕ ТАСЫМАЛДАУДЫ ҰЙЫМДАСТЫРУ» БӨЛІМШЕСІ

Бөлімшенің негізгі міндеттері:










 

- Техникалық-кәсіптік мамандарды даярлау және олардың бәсекеге қабілеттілігі сапасын арттыру;

-  Дуалды оқыту технологиясын эксперименталды енгізу;

- Педагог-инженердің әлеуметтік статусын көтеру, білім беру жүйесін тиісті мамандармен қамтамасыз ету;

- Жергілікті жұмыс беруші мекемелер мен әлеуметтік серіктестікті дамыту, тұрақты байланыс орнату;

- Арнаулы пәндер және өндірістік оқыту шеберлерінің біліктілігін арттыруды   ұйымдастыру;

- Оқу тәрбие үрдісін мониторингілеу.

 «Тасымалдауды ұйымдастыру» бөлімшесі теміржол, автокөлікпен тасымалдауды және жол қозғалысын ұйымдастырушы мамандарын дайындаумен қатар, мұнай мен газды сақтау және тасымалдау саласының орта буын мамандарын  дайындайды. Колледжде «Ұстаз шеберлігі – шығармашылық қызметтің негізі» атты шығармашылық топ жұмыс жасайды.Топтың өзекті тақырыбы:"Дуалды оқыту технологиясын енгізе отырып, студенттердің құзіреттілігін қалыптастыру" Мақсаты: Оқытушылардың шығармашылық қабілеттерін ескере отырып, дуалды оқыту жүйесін енгізу жұмыстарын жетілдіру. Шығармашылық топтың бағыттары:

·         Тәжірибелік

·         Эксперименталды

·         Ғылыми – зерттеу

·         Инновациялық жобалау

Студенттердің білім мен ғылымның әртүрлі салаларында  қабілеттерін жүзеге асыру үшін барлық жағдай жасалған. Дәрісханалар мен мамандандырылған зертханалар компьютерлермен, мультимедиялық жабдықтармен жасақталған.

Бөлімшенің педагогикалық ұжымында  жоғары, бірінші және  екінші санатты оқытушылардың сапалық  құрамы  81% құрайды. Сонымен қатар, ЖОО-нан кейін келген жас оқытушы инженер-оқытушылар да жұмыс жасайды.

Студенттер жалпы білім беру пәндерімен қатар, әлеуметтік-экономикалық және гуманитарлық ғылым салаларынан сусындап, коммерциялық қызмет ерекшеліктерін үйрене отырып, менеджмент, маркетинг пен құқық, халықаралық тасымалдау және әртүрлі көлік түрлерінің өзара байланысы туралы кеңінен білім алады. Әрбір студенттің бағдарламалау дағдысын қалыптастыруға, тасымалдау үрдісінде жаңа технологияларды ұсынуға және ақпараттық жүйелер мен телекоммуникация  құралдарын жасақтауға қатысу мүмкіндіктері де бар.

Бөлімшенің түлектері теміржол салаларында басқару қызметтерін атқарумен қатар, теміржол көлігінің барлық құрылымдық бөлімшелерінің жұмыстарын бірлестіруге бағытталған. Бұл қызметтерді табысты атқару үшін терең білім негіздерімен қарулану керек. Ең алдымен теміржол көлігінің негізгі буыны: теміржол желілерімен көлік саласындағы тасымалдауды ұйымдастыру және басқару үрдістерін білу керек.

Дуальды оқыту жүйесі 2012-2013 оқу жылынан бастап «1203000-Теміржол көлігінде тасымалдауды ұйымдастыру және қозғалысты басқару» мамандығы бойынша экспериментальды түрде енгізілді.

Бөлімше оқытушылары студенттерге дәріс беруде қазіргі заман талабына сай бәсекеге қабілетті маман даярлау барысында жаңа технологияларды қолдануды басты орынға қойған. Аудиториялардың барлығы проекторлармен және интерактивті тақталармен жабдықталып, компьютерлерге жаңа бағдарламалар енгізу жолға қойылған.

Бөлімшенің 9 оқытушысы өз пәндерінен электронды оқулықтар жазып шығарып, қазіргі таңда студенттер сабаққа дайындалу барысында осы оқулықтарды кеңінен пайдалануда, 12 оқытушы әдістемелік нұсқаулар, оқу-әдістемелік кешендер, дәрістер жинағын жасақтап, оның ішінде 2 оқытушының жұмысы республикалық, 7 оқытушының әдістемелік жұмыстары облыстық әдістемелік кабинетте бекітілді. Бөлімшеге қарасты мамандықтар студенттері колледжішілік, облыстық және республикалық сайыстарда жүлделі орындар алып жүр.

      Оқу үрдісін ұйымдастыруда теория мен тәжірибені ұштастыру арқылы студенттердің білімін жетілдіру, мамандыққа деген қызығушылығын тудыру арқылы құзіретті маман қалыптастыру жолға қойылған. Сонымен қатар, әлеметтік серіктестік мекемелермен тығыз байланыс арқылы бітіруші түлектердің жұмысқа орналасуы жолға қойылған, атап кететін болсақ: «Қазақстан темір жолы» Ұлттық компаниясы» АҚ,  «Маңғыстау жол бөлімшесі» филиалы, «ВиражСервисАктау» ЖШС, «Суюндыков»ЖК,  «БИКО» ЖШС, «Асима»  ЖШС,  «Стройдеталь - Проект» ЖШС, «Мангистауские  Строительные  Возможности» ЖШС, «КаскорТрансСервис» АҚ , «Сенімді» ЖШС.

БӨЛІМШЕ МАМАНДЫҚТАРЫ




  1203000- Теміржол көлігінде тасымалдауды ұйымдастыру және қозғалысты басқару

     «КаскорТранссервис» АҚ мен «Қазақстан темір жолы» Ұлттық компаниясы АҚ «Маңғыстау жолдар бөлімшесі» филиалымен колледждің материалдық-техникалық базасын заманауи оқытатын жабдықтармен нығайту және бітіруші түлектер мен тәжірибеден өтушілер үшін бос орындар ұсыну туралы келісімшартқа қол қойылды. Жыл сайын мекемелердің өкілдерінің шақыруымен бос орындар  жәрмеңкесі өтеді.

  Колледж түлектерді жұмысқа орналастыру және талапкерлерді қабылдау бойынша Маңғыстау облыстық әлеуметттік бағдарламар мен бос орындарды үйлестіру Басқармасымен тығыз байланыс жасап келеді.

  Қазіргі уақытта Маңғыстау облысында «Өзен – Түркменстаннан Иранға дейінгі мемлекеттік шекара» атты жобалардың бірі бар.  М.Тынышбаев атындағы ҚазККА Ақтау көлік колледжі мен  «Қазақстан темір жолы» Ұлттық компаниясы АҚ  Бас келісімі негізінде  жұмысшы мамандықтарды бірлесе  оқыту жұмыстарын жүзеге асыруда. Атап айтқанда, СОБ электромеханиктері, байланыс және радиобайланыс электромеханигі бойынша біліктілігіне сәйкес құжаттар беріледі.

0805000 – Мұнай мен газды сақтау және тасымалдау мамандығы бойынша



      «Мұнай мен газды сақтау және тасымалдау» мамандандығының түлектері мұнай компанияларында, көмірсутек шикізатын және оның өнімдерін сақтау және және құбыр арқылы тасымалдау мекемелерінде, ғылыми – зерттеу және жобалау мекемелерінде жұмыс жасай алады.

       Қазақстандағы көмірсутекті өндіру көлемінің жыл сайын артуы мұнай тасымалдау саласының жедел қарқынмен дамуын талап етеді. Қазақстан Республикасының мұнай экспортындағы мүмкіндігі магистральды  мұнай тасымалдау жүйесінің дамуымен, теміржол құю – көтеру терминалдарының және мұнайды танкерлерге құя алатын теңіз терминалдарының көптігімен анықталады.

Қазақстан Республикасы үшін мұнай тасымалын экспорттау және экспорттық маршруттардың оңтайлы әдістерін анықтау өте маңызды проблемалар болып есептелінеді. Қазіргі уақытта бірнеше жобалар жүзеге асты, олардың ішінде Республика үшін стратегиялық маңыздылары; Өзен – Атырау – Самара мұнай құбыры, Теңіз – Атырау – Новороссийск мұнайқұбыры (КТК), Кеңқияқ – Атырау мұнай құбыры, Батыс Қазақстан – Батыс Қытай мұнай құбырының жобасы, Баку – Джейхан бағытындағы  мұнайды теңіз арқылы тасымалдау жобасы т.б. Магистральды мұнай құбырлары арқылы мұнай және газды тасымалдайтын мұндай күрделі нысандарды басқару үшін жоғары білікті мамандар қажет. Айтылған мамандықты игеру үшін студенттер гидравлика, машина бөлшектері, энергетикалық  қондырғылар, газмұнай құбырларын жобалау және пайдалану сораптық және сығымдағыш  станциялары пәндерін оқып – үйренеді.

1202000 - Тасымалдауды ұйымдастыру және көліктегі қозғалысты басқару



   Көлікте логистикалық жүйені басқаруды жетілдіру бойынша шараларды әзірлеу; өндірістік процестерді жүзеге асыру үшін көлік техникасын, оның жабдықтарын және басқа да құралдарды таңдау, тиімді қолдану; көліктік міндеттерді шешу, жобалау мақсаттарын және мақсатқа жету көрсеткіштері мен критерийлерін, құрылымның өзара байланыстарын құру; маркетинг пен менеджменттің қазіргі заманғы әдістерін қолдану негізінде почта,  жол жүгі, жүк және жолаушыларды жеткізудің түрлі көліктік-технологиялық жүйелерін ұйымдастыру, оны тиімді жүзеге асыру.

1206000-Жол қозғалысын ұйымдастыру мамандығы бойынша



       Кәсіби сферасы - көлікте қозғалысты ұйымдастырумен, көлік құралдарының қозғалысын жобалау және модельдеумен, қазіргі заманғы маркетинг пен менеджмент негізінде жұмысты пайдалануды ұйымдастыру заңнамалары және процестерін зерттеумен байланысты кешенді міндеттерді шешуге бағытталған адами іс-әрекеттің әдістері мен тәсілдері, құралдары жиынтығынан тұратын материалдық өндіріс; логистикалық принциптер негізінде көлік түрлерінің өзара байланысы және тасымалдау процестерін, нарықтық экономика жағдайында көлікті пайдаланудың тиімділігін арттыруға бағытталған зерттеу, іс-әрекеттерін жетілдіру.




 
© 2011. Все права защищены.
Актауский транспортный колледж
   
Создание сайта и сопровождение: Mediana.kz